ТҮЗ ЭФИР



11-декабрь, Дүйшөмбү, 08:00

Ар дайым алдыда!

Биздин жыштыктар:    Бишкек-Чүй FM 89.6    Ош-Баткен FM 102.9    Жалалабад FM 107.7    Спутниктин аты TURKSAT 3А 42° жыштыгы:11639 FEC3/4 ылдамдыгы 3700

Бактылуу адамдардын эң негизги 7 белгиси

 "Бактылуу өмүр жок, бактылуу мүнөттөр гана бар"...

Бул кепти сиз көп эле жолу уксаңыз керек. Дегеле бакытты көргөн киши такыр жок, аны бир гана туюу мүмкүн. Өзүн бактылуу сезген кишилер деп кимди айтабыз? Алардын сырткы көрүнүшү, өзүн алып жүрүүсү кандай болот? Дегеле бактылуу кишилер өздөрүн кандай учурда бактылуу сезишет. Изилдөөлөрдүн натыйжасында бактылуу кишинин эң негизги 7 адаты бар экен. Карап көрүңүз: 

1. Башкалардын ал жөнүндөгү ою менен таптакыр кызыкпайт.

Алар айланасындагылардын ошол бактылуу сезимине терс таасир беришин каалашпайт. Ким кандай пикир айтпасын, ал сөздөр суудай эле агылып түшүп кетет. Себеби алардын ою боюнча:"Татыктуу киши - ал кемчиликтери бар киши эмес. Ал өзгөчөлүктөрү көп адам!"...

2. Айланасындагы адамдардын жалаң жакшы жактарын көрөт.

Бардык жаман нерсенин жакшы да тараптары болот. Капкара нерседен кичи болсо да, ак чекитти табуу мүмкүн эмеспи? Маанай түшүрчү кырдаалды жакшы тарапка өзгөртүп кете албаса да ал адамдар өздөрү жакшы маанай болуп бере алышат. Алар эч качан өкүнүшпөйт. Жөнөкөй маанайдагы кишилер үчүн "жакшы" болгон нерсе алар үчүн "сонун" деп аталат. 

3. Ар дайым кимгедир ыраазы болуп, бат тил табышат.

Бактылуу кишиге сиздин ким экениңиз, кайсы шаардан, райондон экениңиз, үстү-баш, кийимиңиз маанилүү эмес. Аларга кошо жылмайып, кошо бактылуу болчу киши болсо болду..! Башкаларга ыраазычылык айтуу үчүн алар убактысын аянышпайт. Ыраазы болуп, жылмайып жүрүшөт.

4. Алардын жүзүндө ар дайым жылмаюу уялап турат.  Шайыр, кубанычтуу жүрүшөт.

Уильям Джеймс "Биз бактылуу болгонубуз үчүн жылмайбайбыз. Жылмайганыбыз үчүн бактылуу болобуз" деген пикирин айткан экен. Жылмаюу жана күлкү - бактылуу адамдардын айрый алгыс жан жолдошу. Биз эң көп убактыбыз өткөргөн адамдар биздин жашообузга өтө чоң таасирин тийгизет. Эгерде сиз да бактылуу адамдар менен көп убакытка чейин чогуу журө берсеңиз, анда алардын жакшы маанайы сизге албетте таасирин берерин изилдөөчүлөр далилдешкен. Канчалык маанайы мыкты адамдар менен жүрсөк, биздин жашоо ошончолук түрдүү түстөргө боёлот экен.

5. Бактылуулар ар бир учурду баалай билишет. 

Алар жума күндү же жекшембинин таңын, жаңы унаанын сатып алынуусун күтүшпөйт. Жаз, жай, кыш жана жазды алар ылгашпайт. Себеби, эң чоң ката бул - керебетте өлүм менен алышып жатып, өмүрдүн узарышын күтүү эмеспи?..

6. Алар бактылуу учур жана бул өмүр - убактылуу экенин жакшы билишет.

Өзүндө бар нерсени бардай кабыл алуу - өтө кыйын көрүнүш. Акыры бардык аткарылган да, аткарылбаган да нерсе - жакшылык үчүн да... Алар чыныгы жыйынтыкка жетүүнү эмес, ага умтулган аракетти баалай билишкендиги үчүн-бактылуудур. Кемчилиги үчүн жана эмнегедир жетишпей калгандыгы үчүн алар эч качан өкүнүшпөйт. Алар баарына каниет кыла билишет. Алар өздөрүн аябай сүйүшөт жана ар дайым баалай билишет. Эгерде кээ бир пландалган нерселер ойдогудай болбой жатса да, алар үчүн ошол нерсе - нормалдуу. Анткени бардык нерсени бирдей калыпта, тең салмакта кармап туруу пенденин колунда эмес..!

7. Алар тоону омкорушпайт...

Бактылуу кишилер үчүн өзүн бактылуу сезүүнүн эң бир жөнөкөй "формуласы" - дүйнөнү өзгөртүү. Ааламды өзгөртүү үчүн кандайдыр тоону омкоруп же бир цунамини токтотуп калуу керек эмес. Жөн гана жылмаюуда аалам камтылбайт деп ким айта алат? Жөн гана жылмайып, досторго жардам берип, аларга белектерди арнап, жагымдуу сөздөрдү айтуу - дүйнөгө жылмаюу, аны өзгөртүү демектир..!

Адатта көз алдыбыздагы бакытты да тааныбай калабыз. Пенделер - адашуучулар, алар бакытты кечигип түшүнүшөт экен. Канча бир убакыттан кийин артына көз салып көргөн киши гана бактылуу учурларын "тааный билет". Бар бакытты баалай билүү - керемет көрөгөчтүк. Ошон үчүн ар бир мүнөттү жакшы маанайда жашай билели. Бактылуу болгондо жылмаям дебеңиз. Балким бакыт сезими сиздин жылмаюуңуздун артында жашынып жаткандыр... Жылмайып жүрүңүз, анткени жылмаюу - садака деп айтылат экен илимде. Бактылуу жылмаюулар ар дайым жүзүңүздү уялап турсун!

даярдаган:Гүлжан Эшбаева



Уктуруулар

  • 07:00-09:00

    Ойгон шоу

  • 10:05-12:00

    Музыка

  • 12:00-13:00

    Чай үстүндө

  • 13:00-14:00

    Ыр маанай

  • 14:00-15:00

    Музыка

  • 15:05-16:00

    ЭлТР түз эфир Учур маселеси

  • 17:00-19:00

    Кечки учак

  • 19:30-20:00

    Бал тил

  • 21:00-22:00

    Ыр маанай

  • 22:00-22:30

    Ай жарык

  • 22:30-22:40

    Радио сериал

  • 23:00-24:00

    Музыка

  • 24:00-01:00

    Түнкү LINE

  • 01:00-07:00

    Кадырлуу түн


<< Декабрь 2017 >>
ЖШДШШШШРБШЖМИШ
     12
3456789
10111213141516
17181920212223
24252627282930
31