ТҮЗ ЭФИР



11-декабрь, Дүйшөмбү, 07:54

Ар дайым алдыда!

Биздин жыштыктар:    Бишкек-Чүй FM 89.6    Ош-Баткен FM 102.9    Жалалабад FM 107.7    Спутниктин аты TURKSAT 3А 42° жыштыгы:11639 FEC3/4 ылдамдыгы 3700

ПРЕЗИДЕНТИККЕ ТАЛАПКЕРЛЕР МАМЛЕКЕТТИК ТИЛДИ КАНЧАЛЫК ДЕҢГЭЭЛДЕ БИЛЕТ?

 

Шайлоо мыйзамдарына ылайык, талапкерди каттоо үчүн талапкердин ыйгарым укуктуу ɵкүлү Борбордук Шайлоо Комиссиясына добуш берүүгɵ 45 күн калганга чейин талапкердин мамлекеттик тилди жетиштүү деңгээлде билерин ырастаган сертификатты тапшырышы керек.

7-августта президенттикке талапкерлердин үчөө мамлекеттик тил сынагынан өттү. Азимбек Бекназаров, Токтобүбү Таласбаева, Дамира Токтосунова сынакка катышты. Жыйынтыгында Бекназаров 86,4 балл, Таласбаева 79,77 балл, Токтосунова 73,65 балл алышты.

7-августка карата 31 талапкер тил сынагын тапшырышы керек болчу. Бүгүнкү күнү 25 талапкер тест тапшырган, анын бирөөсү Руслан Жунусов 46,1 балл алып өтпөй калган. Эки талапкер Нусрет Муса-Оглы Мамедов, Анвар Сартаев мамлекеттик тил боюнча сынак тапшырардын алдында президенттик шайлоого ат салышуудан баш тартышкан. Өмүрбек Текебаев камакта болгонуна байланыштуу катышуу маселеси чечиле элек. Ал эми Арсланбек Малиев тиешелүү документтерди тапшыруу менен сынакка келе албастыгын билдирип, тестирлөө датасын жылдыруу өтүнүчү менен кайрылган. Игорь Трофимов жана Мирлан Шерикул уулу билдирүүсү жок эле тестке келбей койгондору белгилүү болгон.

Буга чейин  укук коргоочу Рита Карасартова жана экономист Бакыт Дегенбаев тест тапшырышты. 2 саатка созулган сынактын жыйынтыгында Карасартованын кыргыз тилин билүү деңгээли 86 упай деп бааланды. Экинчи болуп тестке кирген Дегенбаев 90 упай алды.

Мамлекеттик тил сынагынан тестирлөө төрт субтесттен туруп, узактыгы эки саатка чейин созулууда. Анда лексикалык-грамматикалык жазууга 50 мүнөт берилген. Аудио, окуу жана кыргыз тилинде сүйлөөгө 20-25 мүнөттөн бөлүнгөн. Сынакка катышкандар мыйзамга ылайык 60 пайыздан жогору балл алып, жок эле дегенде комиссиянын “ортодон жогору” деген баасына татышы керек. Буга чейин тапшыргандардын эң төмөнкү упайы 61 - эң жогоркусу азырынча 90 болууда.

25-июлда Мамлекеттик тил комиссиясынан алгачкы арыз берген төрт талапкердин ичинен биринчи болуп "Лига-антикризис" борборунун төрагасы Назарбек Нышановду сынактан өттү.

Экзамен берип чыккандан кийин Нышанов мамлекеттик тилден сынакты тест аркылуу тапшыруу кыйын эмес экенин журналисттерге билдирди. Ал жооп берүүнүн жыйынтыгында 74 упай алды.

“Кыйын деле эмес экен, жакшы эле, сөздүн маанисин билген адамга оор эмес. Мен жакшы эле тапшырдым”,-деди президенттикке талапкер Назарбек Нышанов.

Буга чейин Темир Сариев (81,8 балл), Арстанбек Абдылдаев (61,2 балл), Рита Карасартова (86 балл), Бакыт Дегенбаев(89,5 балл), Сайдинин Султанидинов (60,35 балл) Камила Шаршекеева (80,9 балл), Турсунбай Бакир уулу(88,6 балл), Бакыт Төрөбаев (71,8 балл), Таалатбек Масадыков (79,8 балл) Өмүрбек Бабанов (93,5 балл) тапшырышты.

КСДП партиясынан Кыргыз Республикасынын президенттигине талапкер Сооронбай Жээнбеков 4-августта шайлоо кампаниясынын алкагындагы кыргыз тилинен милдеттүү түрдɵ тест тапшыруудан ийгиликтүү ɵттү. Сооронбай Жээнбеков эне тилин эң жогорку деңгээлде биле тургандыгын кɵрсɵтүп, тесттин жыйынтыгы менен мүмкүн болгон 100 баллдан 94,6 балл алды.

Тесттен кийин Сооронбай Жээнбеков журналисттердин суроолоруна жооп берди. Тапшырмалар кызыктуу болгонун, анын ичинде Чыңгыз Айтматовдун чыгармаларынын негизинде да болгонун айтты.



Уктуруулар

  • 07:00-09:00

    Ойгон шоу

  • 10:05-12:00

    Музыка

  • 12:00-13:00

    Чай үстүндө

  • 13:00-14:00

    Ыр маанай

  • 14:00-15:00

    Музыка

  • 15:05-16:00

    ЭлТР түз эфир Учур маселеси

  • 17:00-19:00

    Кечки учак

  • 19:30-20:00

    Бал тил

  • 21:00-22:00

    Ыр маанай

  • 22:00-22:30

    Ай жарык

  • 22:30-22:40

    Радио сериал

  • 23:00-24:00

    Музыка

  • 24:00-01:00

    Түнкү LINE

  • 01:00-07:00

    Кадырлуу түн


<< Декабрь 2017 >>
ЖШДШШШШРБШЖМИШ
     12
3456789
10111213141516
17181920212223
24252627282930
31